Пред почетокот на секоја натпреварувачка сезона во Лигата на Шампионите, тренерите на екипите кои играат во ЛШ, правеа избор на најдобриот тим, најдобра арена, но и најдобар тренер. Секако правилото е дека не смеат да гласаат лично за себе, за играчите од својата екипа и за арената каде тие играат.
Човекот кој успеа со Вардар го направи најголемиот историски успех, Раул Гонзалез доби најмногу гласови и е прогласен за најдобар тренер. Што се однесува до најдобриот тим, во него се најдоа исто така поранешни играчи на Вардар. Се работи за Арпад Штербик и Лука Циндриќ. Покрај нив во идеалниот тим се најдоа и Дика Мем, Микел Хансен, Уве Генсхајмер, Давид Балагер и Лудовик Фабрегас.
За најдобра арена е прогласена таа на Веспрем, додека С.Ц. Јане Сандански се најде на второто место.