Vardar Fans
Кошаркарскиот клуб Вардар е “расадник„ на млади кошаркати, па така дури седум момци се повикани за селекциите М16 и М18.
Репрезентација во машка јуниорска конкуренција (до 18 години) на почетокот на месец април ќе земе учество на меѓународен пријателски турнир во Босна и Херцеговина каде покрај домаќинот и организаторот на овој турнир ќе настапат и соодветната репрезентација на Црна Гора како и Кантона Сараево.
Селекторот Михаил Наумовски излезе со списокот на кошаркари на чии услуги ќе смета во периодот на подготовки пред турнирот. На списокот се три кошаркари на црвено-црниот клуб. Повиканите кошаркари треба да се појават на првата прозивка закажана за 29. март (петок) со почеток во 21:00 часот во малата сала на Кале.
Покана добија: Виктор Ташовски,Адриан Наумоски и Марко Величковски .
Репрезентацијата во машка кадетска конкуренција (до 16 години) на почетокот на месец април ќе земе учество на меѓународен пријателски турнир во Србија каде покрај домаќинот и организаторот на овој турнир ќе настапат и соодветните репрезентации на Црна Гора и Израел.
Селекторот Денис Дервишевиќ излезе со списокот на кошаркари на чии услуги ќе смета во периодот на подготовки пред турнирот. Повиканите кошаркари треба да се појават на првата прозивка закажана за 29. март (петок) со почеток во 11:00 часот во малата сала на Кале. На списокот се најдоа четири црвено-црни момци.
Покани добија: Михаил Наумоски, Павел Атанасов, Дамјан Гацов и Марин Петков.
