Вардар и Железничар одиграа без победник, пионерите се блиску до пласман во 1/4 финалето на турнирот во Хрватска

Нерешен резултат за пионерите на ФК Вардар, на вториот натпревар на турнирот „Кварнерска Ривијера 2019“. Уште еден голем резултат за избраниците на Кралевски, кои ремизираа (1:1) во дуелот со екипата на Железничар од БИХ, која важеше за најголем фаворит за освојување на првото место во нашата група.

Црвено-црните први успеаа да го отворат резултатот на 1:0 со голот на Азер Омерагиќ уште во 3.минута од натпреварот. Во вториот дел, противничката екипа успеа да постигне гол и да го израмни резултатот на 1:1, што на крајот се покажа и како конечен резултат на овој меч. Пех за Вардар беше повредата на Леонид Игнатов на средината на првото полувреме, кога и ја напушти играта.

Вардар: Китановски, Петејчук, Радуловиќ-Величковиќ, Манасиевски, Крстевски, Асани, Гугуљанов, Салиу, Речица, Игнатов, Омерагиќ (c)

Утре не очекува и последниот меч од групната фаза, противник е екипата на Поморац од Хрватска. Во истава група, во рамките на второто коло меч одиграа екипите на Поморац и Ријека, кој заврши со нерешен резултат 4:4. На табелата Вардар и Железничар го делат првото место со по 4 освоени бодови, додека Поморац и Ријека имаат по 1 бод. Утре на нашиот состав му е потребен и бод од дуелот со Поморац, за пласман во 1/4 финалето.