МТВ ќе врши директни преноси од мечевите на Вардар во Задар

Натпреварите на завршниот турнир во СЕХА-лигата за тимот на Вардар, ќе бидат пренесувани на МТВ.

Деветта година по ред, вардарци успеваат да се пласираат на Ф4 турнирите во ова натпреварување, а дали ќе успееме да го освоиме и шесттиот трофеј ќе дознаеме во периодот од 4-6 септември кога во Задар ќе се одиграат завршните мечеви за натпреварувачката сезона 2019/20.

Во полуфиналето, кое на програмата е во петок, Вардар за противник го има тимот на ППД Загреб, меч кој ќе стартува од 20:30 часот, додека претходно од 18:00 ќе се сретнат екипите на Веспрем и Брест Мешков.

Во зависност од исходот против Загреб, во недела ќе играме или финале или за трето место. Гледајте ги дуелите на Вардар, со директни преноси на МТВ.