Одлично коло за младите надежи на Вардар, со максимални 12 бодови во дуелите со Њу Старс

Младинските екипи на ФК Вардар имаа одлично 6.првенствено коло, освојувајќи максимални 12 бодови во дуелите со екипата на Њу Старс. Вкупната гол разликата на овие четири натпревари гласеше 18:1, едноставно доминиравме на дуелите со овој противник.

Помладите пионери повторно немаа големи проблеми да забележат победа, па како и на претодните, така и на дуелот со Њу Старс, лесно и рутински со резултат 0:5 ги освоија бодовите. Победа во ова коло забележа и Академија Пандев која сезонава ќе биде најголем конкурент на вардарци за шампионската титула.

Резултати од 6.коло во помладата пионерска супер лига:

Победа – Брегалница  0:3

Пелистер – Куманово Еуроспорт  2:0

Академија Пандев – Ренова  15:0

Шкупи – Шкендија  0:0

Македонија Ѓ.П – Работнички  2:2

Њу Старс – Вардар  0:5

Голема победа остварија вардаровите пионери. Иако Њу Старс беше мал фаворит на овој дуел, поради тоа што беше лидер и домашниот терен, сепак црвено-црните најдоа начин како да го победат противникот. Вардар славеше со резултат 0:2 и се искачи на второто место на табелата, потиснувајќи го Њу Старс, но и Работнички кој во ова коло одигра нерешено со екипата на Македонија Ѓ.П

Резултати од 6.коло во пионерската супер лига:

Победа – Брегалница  3:2

Пелистер – Куманово Еуроспорт  10:0

Академија Пандев – Ренова  3:0

Шкупи – Шкендија  0:0

Македонија Ѓ.П – Работнички  2:2

Њу Старс – Вардар  0:2

Кадетите го задржаа стопроцентиот ефект и после комплетирање на 6.коло. На домашен терен со резултатски пресврт ја победивме екипата на Њу Старс (2:1) кој е наш конкурент за трофејот. Победа забележа и Академија Пандев која се наоѓа на второто место на табелата.

Резултати од 6.коло во кадетската супер лига:

Брегалница – Победа  0:2

Куманово Еуроспорт – Пелистер  2:0

Ренова – Академија Пандев  0:2

Шкендија – Шкупи  4:2

Работнички – Македонија Ѓ.П  3:0

Вардар – Њу Старс  2:1

Најубедливата победа ја забележаа младинците на Вардар кои со резултат 9:0 го растурија тимот на Њу Старс. Победа во ова коло забележа и лидерот Шкендија, додека Вардар напредуваше на табелата и изби на второто место.

Резултати од 6.коло во младинската супер лига:

Брегалница – Победа  4:0

Куманово Еуроспорт – Пелистер  1:3

Ренова – Академија Пандев  1:2

Шкендија – Шкупи  2:1

Работнички – Македонија Ѓ.П  4:2

Вардар – Њу Старс  9:0

Во следното 7.коло за противник ја имаме екипата на Македонија Ѓ.П.