Вардар го победи Радовиш, црвено-црните ќе играат на завршниот турнир во Купот

Екипата на РК Вардар успеа да се пласира на завршниот турнир во Купот на Македонија. Откако утрово најпрво го победивме тимот на ГРК Тиквеш, во финалето на 1/4 финалната група бевме подобри и од екипата на Радовиш (35:32). На овој натпревар бевме без Дибиров, Чупиќ, Гаџа и Стоилов.

Вардарци стигнаа до рутинска победа, иако можеби конечниот резултат не го отсликува тоа. Сепак, избраниците на Стевче Алушовски имаа предност во текот на целиот натпревар и ниту во еден момент не дозволија истата да биде загрозена, иако пред крајот на дуелот, противникот дојде на само два гола негатива, сепак Вардар не дозволи поголема неизвесност. Уште на стартот на натпреварот се одлепивме на пет гола позитива, која ја задржавме до самиот крај на првиот дел, која беше зголемена и на шест голови. Радовиш се обидуваше да ја намали разликата, им успеваше на моменти кога намалуваа и на само три гола негатива, но Вардар беше далеку подобар тим на овој натпревар.

Во вториот дел имавме контрола на резултатот, во еден период се играше гол за гол, но солидната предност од првото полувреме ни дозволуваше мирен тек и на вториот дел. На крајот победата беше изразена со резултат 35:32.

Најефикасни кај Вардар беа младиот Атанасовски и Векиќ кои постигнаа по 6 голови.

ВАРДАР: Кизиќ, Ристовски, Шеваљевиќ 1, Валчак 3, Јагуриновски 4, Димитриоски 4, Карапалевски 3, Дисингер, Јотиќ 3, Калараш,Талески 5, Векиќ 6, Атанасовски 6, Мишевски, Георгиевски.