Vardar Fans
Ракометарите на Вардар вечерва во својата сала го пречекуваат еден од великаните на ракометот, германски Кил. Пред Вардар стои тешка задача, но и притисок да ја прекинат црната серија од два порази во низа во Лигата на шампионите.
За да се победи еден ракометен тим каков што е Кил ќе треба да се разиграат сите, посебно се мисли на двоецот Анте! Кудуз и Гаџа мораат да бидат на висина на својата задача, бидејќи во спротивно тим како Кил ќе знае да ги искористи сите негативни страни и да ја казни секоја нивна грешка. Очекуваме конечно Анте Кудуз да блесне пред своите навивачи, а Анте Гаџа да има свој ден и да ги намали техничките грешки на минимум. Доколку овој двоец од Хрватска е расположен за игра, очекуваме полесни погодоци, помалку контри за противникот и лесни голови.
Дуелот вечерва започнува од 20-45ч. Билети сеуште има во слободна продажба.
