Помладите пионери на ФК Вардар подобри од Работнички, на пријателски натпревар одигран на Локомотива

Помладите пионери на ФК Вардар убедливо со резултат 4:0 го добија пријателскиот натпревар против екипата на Работнички. Натпреварот кој се одигра денес на теренот на Локомотива помина во целосна доминација на вардаровите надежи.

Во првиот дел, не видовме многу шанси, но Вардар успеа да поведе со ефектниот гол на Марко Крстевски, кој со силен и прецизен удар од преку 20 метри успеа да донесе водство на својата екипа. На голот претходеше центар шут од корнер, за момент противничката одбрана ја отстрани опасноста, топката стигна до Крстевски кој биеше прецизно за отварање на резултатот. Во првото полувреме во прилика се најде и Давитов, но немаше реализација.

Екипата на Работнички не создаде ниту една сериозна шанса барем за почесен гол, додека нашиот тренер Трајче Стојковски денес им даде шанса за игра на сите кои беа на располагање. Во второто полувреме, Вардар постигна уште три гола, два беа дело на Михаил Јорданоски и еден на Петар Давитов, за конечен резултат од 4:0.

Вардар: Јаневски, Радевски, Атанасовски, Смиљков, Ивановски, М.Крстевски, Котевски, Дамевски, Блажевски, Давитов, А.Крстевски.