Карапалевски: На секој натпревар влегуваме со мотив и желба за триумф

Утре со почеток од 18:30 часот во С.Ц. Јане Сандански, Вардар е домаќин на Бутел, на натпревар од 3.коло во Плеј-Оф на ракометната Супер Лига. Вардар во регуларниот дел во два наврати успеа да го победи овој противник, а исто така е голем фаворит за освојување на бодовите и на утрешниот натпревар. Своите очекувњата за мечот со Бутел, за официјалната страна на Вардар ги сподели средниот бек на Вардар, Мартин Карапалевски, кој го изјави следново:

 Ги гледавме нивните натпревари, и особено овој последниот со Еурофарм Пелистер 2 што Бутел го загуби. Играа одлично во првиот дел. Според мене големо засилување за Бутел е враќањето на Томче Стојановски особено во одбраната. Игравме со Бутел и во регуларниот дел од сезоната, знам како беше тогаш иако двапати победивме. За нас е особено важно играњето во домашното првенство, и затоа на секој меч влегуваме со мотив и желба за триумф.
Имаме неколку нови ракометари во пролетниот дел, но со секој меч се повеќе тие влегуваат во системот. Веќе 3-4 натпревари сме заедно, и играме се подобро. Овој меч ќе биде генерална проба пред СЕХА – Газпром лигата со Партизан, но секако прво треба да одиграме добро со Бутел, па потоа да мислиме на следниот меч.