Горбок: Поздрав до Македонија, навивам за вашата репрезентација

Репрезентацијата на Русија во еден тежок и неизвесен дуел забележа пораз од само еден гол разлика од селекцијата на Германија. Ова беше последна шанса за Русите да се вратат во борбата за пласман во полуфиналето. Сепак Германците беа тие, што на крајот се радуваа.

После завршување на натпреварот во изјава за Македонската радио телевизија, левиот бек на Русија и нашиот ракометен шампион, Сергеј Горбок изјави како дале се од себе да победат на овој меч. Истакна дека Рускиот ракомет се соочува со проблеми и дека се обидуваат да го спасат со игрите на ова Европско првенство. Во прашањето за другите репрезентации на овој мундијал, Горбок истакна дека навива секако за Македонија, но и за Хрватска и Шпанија, каде има ракометари на Вардар. Упати голем поздрав за сите Македонци кои го следат европското првенство во Полска.