Македонија У18 ремизираше со Унгарија, Гаштаров одигра 45 минути

Македонската фудбалска репрезентација до 18 години одигра со нерешен резултат 1:1 (0:1) на контролен натпревар против соодветната репрезентација на Унгарија.

Натпреварот кој се одигра на стадионот во Ѓорче Петров заврши со нерешен резултат 1:1. Нашите репрезентативци имаа повеќе шанси да стигнат до победа, но сепак беа принудени во вториот дел да бркаат негатива, со оглед дека на полувреме Унгарија беше во предност од 0:1.

Во второто полувреме продолжи нашата офанзивна игра и стигна израмнувачкиот гол за 1:1, кој беше и конечен резултат на натпреварот.

Вардаровиот играч, Матеј Гаштаров, во игра влезе во вториот дел и помина 45 минути на теренот.