Милиќ и Циндриќ во најдобри осум одбрани и голови, за месец февруари во сеха-лигата

Ракометарите на Вардар, Лука Циндриќ и Страхиња Милиќ заземаа место во изборот на ТОП-8 најдобри одбрани и голови. После завршување на европското првенство во Полска и отсуството на Игор Карачиќ, неговиот соиграч од Хрватската репрезентација Лука Циндриќ комплетно ја превзема одговорноста како организатор на играта во Вардар. Циндриќ имаше забележителни настапи и добри игри на мечевите одиграни на гостински терен против екипите на Борац и Татран Прешов. Еден негов погодок е избран во најубавите осум во сеха-натпреварувањето за месец февруари.

Страхиња Милиќ во новата година влегува во се подобра форма и сериозно се наметнува на позицијата голман, кај тренерот Раул Гонзалес. На мечот со Борац, заедно со Ангелов имаа подеднаква минутажа. За 30 минути на голот, Милиќ забележа двоцифрен број на одбранети удари кон неговиот гол. Една од тие интервенции се најде во изборот на сеха за најдобра одбрана.