Vardar Fans
Вардарци го одиграа првиот контролен натпревар на подготовките во Австрија, противник денеска на нашите играчи беше тимот на Штурм Грац. Натпреварот заврши без победник, 1:1 (0:0). Головите ги постигнаа Новак во 66′ и Кох во 75′.
Вардар започна во напаѓачка формација. На овој натпревар Којашевиќ покрај тоа што имаше нов број на својот грб, туку и позицијата му беше промената, за разлика од настапите за Вардар во првата македонска фудбалска лига, каде настапуваше како крило. Вардарци започнаа напаѓачки уште од самиот старт, топката ја држеа во свој посед, се заканија на повеќе наврати, за разлика од Штурм, но остана 0:0 по првиот дел. Најдобрата шанса за гол ја имаше Драган Ќеран на средина на првиот дел, биеше силно, но за малку над голот. Вардар во првиот дел имаше и убави можности преку Обрегон и Мијушковиќ, но не ја затресоа мрежата на австријците. Штурм најубава можност ја имаше при крајот на првиот дел, но Гачевски одлично реагираше и ја собраа таа топка. Почетниот состав на Вардар за денес беше (фото)
Во вториот дел беа направени вкупно шест измени во Вардар. Излегоа: Гачевски, Грнчаров, Попов, Ќеран, Којашевиќ и Асани, а на нивно место влегоа: Пачовски, Глишиќ, Новак, Грозданоски, Фелипе и Љамчевски. Во 47 минута Грозданоски имаше супер шанса да го отвори резултатот биеше, но за малку крај голот. Потоа Вардар ја имаше иницијативата имаше неколку обиди за гол но без успешни. Потоа во игра влегоа и младите Личина и Велковски Виктор на местото на Брдаровски и Глигоров. Во 66 минута Спировски изведе слободен удар, голманот на Штурм кратко ја допре топката, Новак натрча на неа и погоди за 1:0 за Вардар. Во 75 минута Штурм израмни на 1:1, еден играч на Штурм продре по страна, нафрли поземја, а Фабијан Кох погоди за изедначување. Во 86′ Обрегон имаше одлична можност да постигна погодок, но немаше среќа, неговиот лоб удар заврши во пречката.
