(ФОТО) Тоскиќ и Брумен го посетија тренингот на РК Вардар во Словенија

Црвено-црвениот машки ракометен тим  пристигна во Словенија, каде ја одработува втората фаза од летните подготовки за оваа сезона 2016/2017. Закажани се  две пријателски средби против екипата на Горење на 6-ти и 10-ти август, чии играчи сега се поранешните членови на нашиот Вардар, пикерот Алем Тоскиќ и крилото Матјаш Брумен. Двата екс вардарци денес ја искористија приликата која им се даде и беа на тренингот на црвено-црните со цел да ги посетат и поздрават своите  поранешните колеги. Избраниците на Раул Гонзалес по “одисејата“ во Крањска Гора ќе патува за Белорусија, каде ќе учествува на силен  турнир организиран од екипата на Мешков Брест.