Познати саатниците за првите мечеви на РК Вардар во Лигата на шампионите

Избраниците на Раул Гонзалес во шампионската лига се дел од  групата-Б, во истата наши противници се  екипите на:  Рајн Некар, Кјелце, Пик Сегед, ППД Загреб, Мешков, Целје и Кристијанштад. Веќе поодамна се познати колата и противниците во истите, а денес ЕХФ заедно со клубовите и ТВ куќи кои ги имаат откупено правата за пренесување на натпреварите од Лигата на шампионите за сезонава ги одредија термините и саатниците на натпреварите од првите шест кола во групната фаза од ЛШ. Од шесте натпревари на Вардар познати се четири заедно со саатниците, а уште два дополнително ќе бидат договорени. Утврдените саатници и термини за прелиминарните кола годинава се следниве:

1 коло – 25 септември (16,15 часот)
Кристијанштад – Вардар

2 коло – 1 октомври (17,30)
Вардар – Мешков (СЦ „Јане Сандански”)

3 коло – 5-9 октомври
Целје – Вардар

4 коло – 16 октомври (17,30)
Вардар – ПИК Сегед (СЦ „Јане Сандански”)

5 коло – 22 октомври (20 ч)
ППД Загреб – Вардар

6 коло – 9-13 ноември
Вардар – Кјелце