Победи за Вардаровите генерации “2007“ и “2008“ во четвртото коло од детската фудбалска лига

Денес се одигра четвртото коло во детската фудбалска лига за генерации родени “2007“ и “2008“ година. Свои настапи имаа и Вардаровите екипи, кои забележаа нови победи.

Вардаровата генерација “2007“ предводена од Зоран Петковски настапи со својата екипа Вардар (1) и забележа убедлив триумф во дуелот со тимот на Кул Здравје. Конечниот резултат на овој меч гласеше 4:1. Вардарци имаа доминација на овој натпревар и повеќе од заслужено остварија победа. Покрај головите имавме уште неколку шанси да поубедлив триумф. Александар Грашески постигна два гола, додека по еден беа дело на Стефан Младеновски и Драган Лебариќ.

Триумф во ова коло забележа и најмладата генерација на фудбалскиот клуб Вардар под водство на Павел Неделковски. Тие за противник ја имаа екипата на Шкендија од Арачиново, кои ја победија со резултат 5:0. Ненад Дамјановски беше стрелец на два гола. По еднаш во листата на стрелци се Коста Бошковски, Огнен Бојковски и Јохан Зизајковски. Одлична игра на нашите млади надежи кои демонстрираа одлична игра во текот на целиот меч.