Vardar Fans
Вчера старуваше кадетското ракометно првенство во машка конкуренција. Екипата на Вардар успеа да ги освои бодовите од гостувањето кај Пролет 62. Избраниците на Слободан Чивлачки беа подобрата екипа, забележувајќи победа од 22:26.
Вардар беше екипата која ги постигна првите два гола на овој натпревар. Брзо врати домашната екипа за израмнување на резултатот на 3:3, додека во седмата минута од мечот стигнува и до прва предност од 5:4. Во продолжение од натпреварот екипата на Пролет стигнува и до два гола разлика 8:6, но црвено-црните со серија од четири последователни погодоци прави резултатски пресврт и повторно ги враќа највисоките два гола разлика. До крајот на првото полувреме ја зачувавме оваа предност и на одмор заминавме со резултат 10:12.
Во второто полувреме многу мала неизвесност околу тоа кој ќе победи на натпреварот. Имаше само уште едно израмнување, што беше и последно на мечот. Вардарци го засилуваат темпото на игра и полека но сигурно ја зголемуваа предноста, во еден момент имавме четири голови разлика 16:20. Продолживме да играме во ист ритам, со нова серија од 1:4 стигнуваме и до убедливи 17:24, по што беше јасно кој ќе ги освои бодовите од ова дерби. До крајот единствено што успеа екипата на Пролет 62 да направи е да го намали резултатот и да го заврши мечот со достоен пораз од 22:26.
Христијан Милошески беше најефикасен со 6 голови, додека Христи Бикоски и Филип Николов постигнаа по 5 голови во редовите на Вардар.
ВАРДАР: Кизиќ, Бруневиќ, Бикоски 5, Мазинковски, Олтовски, Нанов 1, Атанасовски, Милошески 6, Миланов, Стојковски, Антевски, Николов 5, Стојчески, Ќосевски 4, Динев 3, Мисаилески 2.
