СЕХА: Циндриќ се најде во идеалниот тим за месец октомври

Вардар  по досегашните одиграни 10.кола  е лидер во регионалната СЕХА Гаспром лига. Нашите момци во одиграните дуeли  досега немаат пораз во регионалното натпреварување. Нашиот среден бек, хрватскиот репрезентативец  Лука Циндриќ се најде во изборот за  идеалниот тим на СЕХА-лигата за месец октомври.

Тој  беше одличен во победата  на  РК Вардар кај Нексе во Нашице, одигра на ниво и во другиот дуел во регионалната лига против Извиѓач на кој црвено-црните броеа до 42. Покрај нашиот Лука во иделниот состав на регионалното натпреварување се најдоа и голманот Роланд Миклер од Веспрем, левото крило Нико Медвед до тимот на Горење, десното крило Ведран Зрниќ член на Нексе, пикерот Тин Контрец од ППД Загреб, левиот бек Павел Атман од Мешков Брест и десниот бек  Давид Миклавчиќ од екипата на ППД Загреб. За изминатиот месец за најдобар тренер во регионалното натпреварување е прогласен  Зденко Корди (Нексе).