Куманово последен есенски предизвик за Вардаровите генер. “2002“ и “2003“ во рамките на регионалната лига

Во сабота на теренот на академијата ќе се одигра последното есенско коло во регионалната фудбалска лига, за генерации родени “2002“ и “2003“ година. Противник на Вардаровите екипи во ова коло ќе биде Куманово. Мечевите првично според распоредот требаше да се одиграат во Куманово, но по договор на двата клуба напрвена е измена, односно мечевите од пролетниот дел ќе бидат одигрни во Куманово, а овие од есенскиот дел тука во Скопје.

Избраниците на Томче Трајановски од “2003“ година имаат можност со максимален број на освоени бодови да го завршат есенскиот дел. Тие имаат девет победи од исто толку одиграни мечеви во овој дел од сезоната. Куманово не би требало да претставува поголем проблем за нашите млади надежи, со оглед дека се наоѓаат на претпоследното место на табелата со само 3 освоени бодови. Мечот е предвиден да започне од 10 часот.

Генерацијата на ФК Вардар родени “2002“ година на Петар Ѓорѓиевски се исто така фаворити во пресрет на овој натпревар со врсниците од Куманово. До пред ова коло се наоѓаме на второто место на табелата со 24 освоени бодови. Утрешниот противник има само една победа во лигата, па црвено-црните се сметаат за големи фаворити за освојување на трите бода. Натпреварот е закажан за 12 часот.