Vardar Fans
Машкиот ракометен првак Вардар веќе е пласиран во четвртфиналето во ракометната Лига на шампиони. Пред вардарци стои уште еден противник во групната фаза, а тоа е екипата на Кристијанштад од Шведска. Пред овој дуел Стратегот Раул Гонзалес и капитенот Стоилов го изјавија следното:
Сакам да им честитам на моите играчи за пласманот во четвртфиналето. Што се однесува до мечот немаме притисок, сакаме да уживаме, но и покрај тоа чувствуваме обврска да победиме. Кристијанштад е солидна екипа, како и за нас, и за нив е важен овој натпревар. Мора да бидеме на ниво во одбраната, нивното главно оружје е контрата. Ќе го дадеме најдоброто од себе, затоа што ние сме прво место, мора да го покажеме тоа. Мора да се фокусираме на победата, затоа што сакаме да завршиме славенички дома. Кога играме тука, одиме на победа против сите, не само против Кристијанштад. Сите не гледаат, мора да се докажеме во добро светло – изјави Гонзалес.
Лидери сме, веќе ни е осигуран пласманот во четвртфиналето, но сакаме да ја завршиме оваа фаза од ЛШ со победа затоа што сме си на некој начин должници. Доста сериозно го сфаќаме Кристијанштад, сите знаеме за каква екипа се работи. Ќе излеземе на терен и ќе пробаме да уживаме и да дојдеме до победата. Што се однесува до четвртфиналето немам посебна желба, кој и да дојде ќе биде тежок противник. Има доста варијанти, за тоа ќе размислуваме кога ќе дојде време – изјави капитенот Стоилов.
