Vardar Fans
Утре на програмата е новото 27. коло во првата македонска фудбалска лига. Во ова коло лидерот на табелата тимот на Вардар, гостува во Кратово кај тимот на Силекс. Овој натпревар Вардар го дочекува како лидер, нашиот тим е првопласирана екипа на табелата со дури единаесет бодови предност пред Шкендија. Тимот на Силекс се наоѓа на петтата позиција на табелата со досега освоени 35 бодови.
Овие два тима оваа сезона на два наврати ги одмерија силите. Најпрвин на 02.10.16, Силекс како домаќин загуби со резултат 3:1 од Вардар. На тој натпревар стрелци на головите во нашиот тим беа Спировски, Фелипе и Којашевиќ. На вториот меч одигран во Скопје, резултатот заврши нерешено 1:1, на тој меч голот за Вардар го постигна Фелипе, додека пак за Силекс погоди Филиповски.
Натпреварот започнува со почеток во 16-00 часот. Очекуваме победничката серија на Вардар да продолжи и на овој меч во Кратово.
