Данил Шишкарев ќе биде нов капитен на Руската репреентација

Данил Шишкарев ќе биде нов капитен на Руската ракометна репрезентација. На собирот како подготовка за квалификацискиот натпревар против Шведска, селекторот на Русија, Димитриј Торгованов го назначи Шишкарев за нов капитен на оваа селекција, каде претхофно истата улога ја имаше уште еден играч на Вардар, се работи за Тимур Дибиров, кој сакал да одмори и по договор со тренерот не е повикан за претстојните квалификациски натпревари.

-Признавам дека за мене тоа беше изненадување. Јас бев капитен во младинските селекции, но на сениорската репрезентација за прв пат. Тоа е предизвик за мене, во исто време се зголемува мојата одговорност и се надевам дека ќе има позитивен ефект врз мојата игра. Исто така се надевам дека ќе бидам достоен капитен на репрезентацијата, изјави Шишкарев за руските медиуми.

Русија по две одиграни кола има два нерешени резултати, во група со селекциите на Црна Гора, Словачка и Шведска. Утре тие на домашен терен ја пречекуваат репрезентацијата на Шведска, во очекување на првата победа, во рамките на квалификациите за европското првенство кое во 2018 година ќе се одигра во Хрватска.