Финалето во купот кај генер. “2002“ прекинато поради невреме, истото ќе се одигра од почеток, во вторник на истиот стадион

Денес на стадинот “Борис Трајковски“ во населбата Маџари, се играше финалето во купот, кај генерација “2002“ помеѓу екипите на Вардар и Работнички. Истиот е прекинат во 60-тата минута поради невреме, при резултат 2:2.

Тренерот Ѓорѓиевски стартуваше со следниве 11-сетмина: Величковски: Крстевски, Ѓурковски, Асани, Петејчук, Илиевски, Салиу, Фазлиу, Игнатов, Речица, Омерагиќ.

Вардар во текот на првото полувреме беше подобрата екипата на теренот и на одмор замина со водство од 2:1. Пред да го отвориме резултатот, првата шанса ја имаше Викотр Крстевски, кој биеше покрај голот на Работнички. Црвено-црните успеваат да поведат по една грешка на противничката одбрана, која немилосредно ја казни нашиот напаѓач, леонид Игнатов, кој донесе водство од 1:0. Сепак во продолжение од натпреварот, тимот на Работнички успева да постигне гол и да го израмни резултатот на 1:1. Веднаш Вардарци го вратија голот и повторно преку леонид Игнатов, го враќаат водството од 2:1. Со овој резултат се замина на полувреме.

На стартат на вториот дел, противничката екипата постигнува гол, за израмнување на 2:2. Во следните десет минути не гледаме некоја посериозна шанса, а силното невреме го прекина ова финале, кое ќе се доигра во вторник во истиот термин со почеток до 17 часот и на истиот стадион. Сепак ова финале ќе започне од почетниот резултат 0:0 и тоа од првата минута.