Стоилов: И покажавме на Европа како се игра ракомет

Европските шампиони денес пристигнаа во Скопје и беа поздравени од толпа народ, кои излегоа на улиците да го поздрават новиот владател на Европа. Честа прв да го подигне освоениот трофеј од лигата на шампионите го имаше капитенот Стојанче Стоилов, кој денес се обрати на Македонскиот народ.

-Добар ден скопје, добар ден Македонијо, заслуживме ние, заслужи Македонија. Бидете горди на овие момци и херои. И покажавме на европа како се игра ракомет. Горд што сум капитен на оваа екипа, горд на оваа историја, горд што Скопски Вардар е европски првак.