Малме ги одреди цените за дуелот со Вардар, најнискиот билет 13 евра

Првиот дуел на Вардар и Малме ќе се одигра на 12 јули со почеток во 19 часот во Шведска. Сите љубители кои сакаат да го следат Вардар на прекрасниот стадион  „Сведбанк арена“, ќе треба да платат од 13 па се до 60 евра.

Билетите од денеска се пуштени во слободна продажба информираше Малме на својата официјална страна.  „Сведбанк арена“ има капацитет од 21.000 седишта. И на натпреварот во Шведска, и на натпреварот во Струмица се очекува стадионите да бидат полни.

Реванш дуелот ќе се одигра една седмица подоцна во Струмица.