Вардаровата експедиција утрово преку аеродромот “Александар Велики“ се упати кон шведскиот град Малме, каде што во среда, 12 јули ќе го игра првиот натпревар од второто квалификациско коло во Лигата на шампионите против истоимениот тим. Момците на Гоце Седлоски во Шведска ќе пристигнат во претпладневните часови, а потоа уште  вечерва ќе го одработат и првиот тренинг во Малме. Според планот утре е официјалниот тренинг на „Новиот стадион на Малме“, а претходно црвено-црните ќе имаат прес конференција.