Филип Арсеновски: Потајно посакував и очекував да заиграм со сите тие ѕвезди и желбата ми се оствари

Екипата на Рк Вардaр забележа нова победа во рамките на Супер-лигата. Во заостанатиот меч од 5 коло, вчера беше совладана екипата на Радовиш (20:36) на гостински терен. Своето деби за првиот тим, го имаше членот на младинската екипа на Вардар и стандарден репрезентативец на младинската репрезентација, Филип Арсеновски. Ова е негов прв настап за првата екипа, на кој успеа да постигне два гола.

• Му искажувам голема благодарност на тренерот Раул Гонзалез за довербата што ми ја укажа и ме стави на списокот на играчи на првиот тим на Вардар. Огромна е желбата да се заигра во еден таков состав. Потајно посакував и очекував да заиграм со сите тие ѕвезди и желбата ми се оствари. За мене ова е еден голем чекор напред кој е резултат на големиот напор, упорноста, редовните тренинзи и големата професионалност што ја вложуваше тренерот на младинците во Вардар, Стојан Петрушевски. Се надевам дека ги оправдав очекувањата од тренерот. Двапати се запишав во листата на стрелци и се надевам дека се подобро ке играм и ке постигнувам поголеми успеси, изјави Арсеновски за Вардарфанс.

Звонко Ивановски