Сите играчи на Рк Вардар кои настапуваа за своите селекции, обезбедија пласман на ЕП во Полска

Успешни квалификации за сите ракометари на Вардар, кои беа дел од своите национални селекции во борбата за пласман на Европското првенство кое во 2016 година ќе се одржува во Полска. Македонија, Србија, Русија, Шпанија, и Хрватска се репрезентациите во кои имаше преставник од нашиот клуб и кои се пласираа на завршниот мундијал.

-Македонија иако драстично ослабена на вчерашниот дуел против Чешка, собра сили да забележи уште една нова победа и да го завери пласманот на ЕП. Во еден тежок и цврст натпревар, нашите лавови беа подобра екипа и на крајот сосема заслужено го освоивме второто место во групата, веднаш зад актуелниот светски првак-Франција. Нашиот капитен беше најефикасен постигнувајќи 11 голови. Од црвено-црните, идниот член Манaсков додаде 7, Прибак (кој замина на крајот од сезоната) постигна 4 и Стоилов со 1 погодок.

-Хрватска со убедлив триумф ги заврши овие квалификации. На последниот меч, славеа против Турција со резултат 40:26. На крајот го освоија првото место, со исти бодови со селекцијата на Норвешка, но подобар меѓусебен дуел. Kарачиќ одигра одличен меч, постигнувајќи 4 голови.

-Србската репрезентација иако не воодушеви во овие квалификации, сепак на крај успеаа да обезбедат пласман на едно големо натпреварување. Завршија како втори, со еден бод повеќе пред селекцијата на Црна Гора, која пак како најдобро третопласирана ќе патува во Полска. Србија во последното коло ја совлада Израел со убедливи 32:23. Марсениќ беше стрелец на два голови, настап забележа и Абутовиќ.

- И Шпанците на убедлив начин се пласираа на мундијалот во Полска. Како првопласирани, пред репрезентацијата на Германија со по 10 бодови. Шпанија беше подобра во меѓусебениот дуел и затоа е прва. Вчера селекторот Каденас настапи со изменет состав, против Финска(39:16) од претходните мечеви. Душебаев беше еден од поефикасните со 3 погодоци, Македа постигна 1 гол.

-Дибиров како вистински лидер повторно ја предводеше својата селекција кон пласман на уште едно ЕП. Русија минимално ја победи Португалија со 35:33 и го осигура второто емсто во групата, зад селекцијата на Унгарија. Дибиров постигна 11 голови, Горбок и Шишкарев додадо по 5. Во составот беше и Деревен кој не се запиша во листата на стрелци.