Vardar Fans
Продолжуваат победите за младинците на ракометниот клуб Вардар, кои вечерва во спортскиот центар “Билјани извори“ ја победија домашната екипа на Охрид 2013, убедливо со резулрат 24:40.
Добрата форма во која се наоѓаат избраниците на Грчевски и Чивлачки ја потврдија и вечерва, откако убедливо го победија противникот. Уште по првите пет минути игра покажавме дека бодовите ќе заминат во Скопје, кога црвено-црните направија предност од 1:6. Намали за момент екипата на Охрид на 3:6, за Вардарци да вратат со два последователни голови и да имаат водство од 3:8. На секој постигнат гол на домашниот тим, нашиот состав возвраќаше со серија на погодоци. Така беше и во случајов, кога домашниот тим намали на 4:8, за Вардар со нова серија од 0:3 по 17 минути игра да има висока предност од 4:11. Нашата обрана функционираше беспрекорно и не му дозволувавме на противникот многу да се изнаигра. Оваа разлика се одржуваше се до резултат од 7:13, кога имавме фуриозен финиш, каде постигнваме четири голови во серија и на одмор заминавме со двоцифрена предност од 7:17.
Серијата продолжи и на стартот на второто полувреме, кога постигнавме два нови гола, за веќе да имаме високи и убедливи 7:19. Едноставно Охрид беше немоќен да стори нешто повеќе и како течеше натпреварот се повеќе тонеше пред брзото темпо на игра кое го наметна Вардар. Во 40 минута стигнавме и до предност од 10:25 и до крајот на натпреварот беше само прашање со колкава разлика ќе заврши овој натпревар, во корист на нашите младинци. Најмногу што успеаа да стори Охрид 2013 е да намали на 3 гола разлика (19:32), а највисоката предност која Вардар ја имаше беше 20:37. Тренерскиот тандем на Вардар им даде шанса за настап на сите играчи, кои во најголем дел се запишаа во листата на стрелци. На крајот славиме со конечен резултат од 24:40.
Повторно најефикасен како на дербито со Металург и на овој натпревар беше десното крило, Ален Ќосевски кој го заврши натпреварот со 11 постигнати голови, колку што всушност постигна и на минатиот меч против тимот од Автокоманда.
РК Вардар: Мишоски 1, Миланов, Ќосески 11, Милошески 6, Митески 2, Крстевски 3, Петкоски, Олтовски 2, Бикоски 2, Мисаилески 2, Мајсторовски 1, Радуловиќ 3, Тушев, Ѓорѓиев 1, Нанов 6, Мицаноски.
