Претстојниов викенд активни со настапи ќе бидат младинските екипи на РК Вардар

Претстојниов викенд, активни ќе бидат младинските екипи на ракометниот клуб Вардар.

Стартува пролетниот дел од сезоната за младинците на Вардар, кои се натпреваруваат во групата 1 и се наоѓаат на лидерската позиција. Избраниците на Чивлачки и Грчевски, во недела гостуваат на екипата на Македонија Ѓ.П, натпревар кој е закажан да започне од 18:00 часот, во “СУГС Кочо Рацин“. Вардар го доби убедиво првиот натпревар одигран на Кале, со резултат 47:28. Втората младинска екипа на клубот, Вардар Јуниор своите мечеви од пролетниот дел ги стартува од следниот викенд.

Во сабота со почеток од 13:30 часот на Кале, второто пролетно коло ќе го одиграат и пионерите на Вардар. Противник ќе им биде тимот на Аеродром 1. По седум одиграни кола, избраниците на Будимир имаат седм победи од исто толку одиграни мечеви. Следниот викенд стартуваат и пионерите на Зоран Петковски, кои во првото пролетно коло гостуваат во Велес, на екипата на Бисинов.

Свој настап во сабота ќе имаат и пионерките на Вардар, предводени од Анжела Платон, кои се домаќини на екипата на Кожувчанка. Мечот ќе се одигра утре на Кале, во терминот од 12:00 часот. После поразот од Дечево, оваа генерација на Вардар ќе се обиде да стигне до првиот триумф во пролетниот дел. Првиот дуе одигран во Струга го доби нашиот состав, со резултат 13:19.