Вардар во друштво на Партизан и Црвена Ѕвезда, како освојувачи на турнирот во Бугарија

Во периодот од 3-6-ти април во градот Бургас ( Бугарија) се одигра силен меѓународен турнир, за генерации родени “2004“, “2005“ и “2006“ година. Вардар беше доминантен во својата возрасна категорија и на пет одиграни натпревари забележа исто толку победи и на тој начин го освои турнирот во Бугарија.

Во другите две генерации златниот медал им припадна на најдобрите екипи од Србија. Партизан го освои првото место кај генерацијата родени “2005“ година, откако во големото финале го победи тимот на Спартак Плевен (5:0), додека Црвена Ѕвезда е освојувач во генерацијата родени “2006“ година, со триумфот во финалето над екипата на Чукарички (3:1). На тој начин Вардар се најде во друштвото на победници, со најдобрите тимови од Србија.