Новата сезона во ЛШ, Рк Вардар ја започнува на 20-ти септември против Монпелје

Одредени се термините за првите четири натпревари на Рк Вардар, во групната фаза на лигата на шампионите. Новата сезона во најголемото натпреварување, Вардарци ќе ја отворат на 20-ти септември на гостински терен во Монпелје. Минатата сезона имавме можност да играме со истиот противник. Тогаш одигравме нерешено во Франција, додека во Јане Сандански забележавме убедлив триумф. Една недела подоцна (27.08.2015) ќе го одиграме првиот натпревар во својата сала. Противник ќе ни биде Пик Сегед од Унгарија. Овој клуб минатата сезона стигна во најдобрите осум екипи, каде беше елиминиран од Германски Кил.

Натпреварите во групната фаза, ќе продолжат во рамките на 3 коло, против Кристианштад. Овој дуел ќе се одигра во Шведска на 4-ти октомври. Следи исто така тешко гостување во Данска, на екипата на Колдинг. Меч кој ќе се игра на 18-ти октомври.