Вардар го “скрши малерот“, победа во Кратово во мечот против Силекс

Денес на стадионот во Кратово, ФК Вардар му гостуваше на ФК Силекс меч од рамките од 21. коло од Првата лига. Црвено-црните конечно се издигнаа од безната и дојдоа до победа со резултат 0-2 (0-2). За црвено-црните головите ги постигнаа Горан Попов (14.минута)  и Исени  (20.минута). Дуелот го завршивме со девет играчи црвени картони добија Горан Попов  и Дејан Блажевски во вториот дел.

ВАРДАР го почна дуелот со следните играчи: 90. Гачевски, 3. Попов, 5. Битанг, 6. Грнчаров, 8. Марковиќ, 11. Барсегјан, 16. Глигоров, 21. Новак, 32. Глишиќ, 33. Исени, 77. Брдаровски.

ТЕК НА МЕЧ:

Крај: 0-2

91’ – Црвен картон за Дејан Блажевски

86’ – Шут на Попзлатанов од дваесетина метри кој го брани Митровиќ

73’ – Опасен шут на Глишиќ од слободен удар од 20 метри, но Митровиќ со крајни напори успеа да одбрани

60’ – Црвен картон за Горан Попов, после добиениот втор жолт

58’ – Шут на Тимовски од слободен удар од 25 метри, топката оди само над голот

Полувреме

42’ – Филиповиќ се обидува од 20 метри, но повторно Гачевски брани

35’ – Центаршут од десната страна и обид со глава на Ѓорѓевиќ, но повторно Гачевски избива во корнер

 

29’ – Удар на Гуцев од дваесетина метри под пречката, но одлична интервенција на Гачевски кој изби во корнер

 

27’ – Стојчевски од голема далечина се обиде со силен удар, но Гачевски беше внимателен и одбрани во корнер

26’ – Шут на Глишиќ од левата страна, но топката оди само крај голот

23’ – Удар на Силекс на Пановски од 30 метри, меѓутоа без проблеми Гачевски интервенира

0:2 20’ ГООООЛ! Брдаровски од десната страна го проигра Исени кој што од 5-6 метри шутира прецизно во голот на Силекс

0:1 14’ ГООООЛ! Глишиќ од корнер нафрли некаде на 8-9 метри каде што Попов со глава го совлада Митровиќ