Младинските екипи на ФК Вардар со одличен старт на сезоната, три победи и едно реми во дуелите со Македонија ЃП

Викендов четирите младински екипи на ФК Вардар ги одиграа првите мечеви сезонава. Во првото коло кадетите и младинците беа домаќини, а пионерските екипи гости на тимот на ФК Македонија Ѓорче Петров.  Одигравме одлични четири меча на кои имаме одличен успех, добивме три и одигравме едно реми. “Собравме“ 10.бода од 12 можни на овие дуели.

Младинскиот тим на Вардар низ целосна доминација и на неприкоснеовен начин триумфираше  со убедливи 5:1. Избраниците на Андовски Ане дојдоа до победа со   три гола на  Џемал Ибиши, додека по еднаш погодија Давид Велковски и Мустафа Јусуф. Кадетите на Вардар со 3:1 ја отворија со триумф сезоната.  На одмор заминавме со предност од  2:0, стрелци на  головите беа Ристовски и на Османи.Во вториот дел Македонија ЃП намали на 2-1, но  Игнатов погоди за конечни 3-1 и победа на тимот предводен од тренерот Златко Таневски. Пионерската екипа на гостувањето во Ѓорче Петров одигра 1:1, единствено оваа екипа не дојде до “цел плен“. Македонија ЃП дојде до предност во 27. минута, а потоа за тимот предводен од Игор Кралески погoди   Радуловиќ-Величковиќ кој изедначи на 1-1. Најмладите вардарци, помладите пионери предводени од Филип Деспотоски со триумф ја стартуваа сезоната, тие победија со убедливи 3:0. За победа над  врсници од тимот на Македонија Ѓорче Петров,  стрелаа: Алими, Јовановски и Георг Стојановски.