Бенгстон: Против Вардар мора да бидеме трпеливи и мудри, бидејќи како што видовме на првиот натпревар, тие ќе ја казнат секоја наша грешка

Вардар патува во Данска со еден гол предност стекнат од првиот натпревар одигран минатата недела во Скопје. Пред вардарци стои еден историски натпревар, со победа сме во групната фаза во Л.Е и во наредното коло во Л.Ш.

Левиот бек на Копенхаген, Пјер Бенгстон најави дека неговите играчи треба да бидат стрпливи, мирни и дека нема да се залетуваат од самиот почеток кон голот на Вардар.

“Мора да започнеме добро и да одиграме мудро, доколку сакаме да постигнаме два гола. Против Вардар мора да бидеме трпеливи и мудри, бидејќи како што видовме на првиот натпревар, тие ќе ја казнат секоја наша грешка. Сме покажале дека сме силни на домашни натпревари во Европа, се надевам така ќе биде и во среда. Очекувам полни трибини”, – вели Пјер Бенгстон.