Vardar Fans
Вардар беше на врвот на “безната“ со Победа, нашиот шампион губеше 0-1 се до 88 минута. Во финишот Асани и Којашевиќ со погодоци ја свртија ситуацијата и триумфиравме со 2-1. Вардарци се во неверојатна серија од осумнаесет првенствени меча без пораз шест во минатата и дванеасет во оваа сезона.
Табела ПМФЛ по одиграни 12.кола!
Последен неуспех го имавме на 10 април , кога доживеавме поразот од Силекс со 2-3 во Кратово. Од тогаш досега забележавме 13 победи и пет нерешени средби. На тие мечеви имавме вкупна гол-разлика од 25 гола плус, односно 33-8. Во досегашните 12 кола имаме најдобара одбрана со само пет примени гола, кај нападот исто сме неприкосновени, со постигнати дваесет и три погодоци. Следното коло гостуваме кај “фенерџијата“ во лигата штипска ФК Брегалница која има само една победа и освоено само осум бода. На врвот на табелата имаме комотни седум бодови преднос во однос на Шкендија, се очекува во следното коло да ја продолжиме нашата низа на успеси.
