Friday ,23 October 2020
Последни:
Home > ФК Вардар > У-16 > 4/4 за категориите на Вардар, во дерби дуелите со Пелистер
4/4 за категориите на Вардар, во дерби дуелите со Пелистер

4/4 за категориите на Вардар, во дерби дуелите со Пелистер

Сите Вардарови категории кои се натпреваруваат во домашното првенство забележаа победи во рамките на третото коло. Противник ни беше ривалот Пелистер, против кој забележавме максимални четири победи.

-Најубедлива победа забележаа најмладите момчиња, помладите пионери му нанесоа висок пораз на тимот од Битола со резултат 7:0. Можеби беа фаворит и се очекуваше победа, но пријатно изненади високиот триумф на оваа генерација која прва сезона игра во првенството. Стрелци на головите беа Ибрахим Ариф (4), Давид Астарџиев, Марио Илиевски и Давид Ристовски. По три одигрни кола, помладите пионери на Вардар имаат 7 бодови.

-Пионерите ја забележаа третата последователна победа и со максимални 9 бодови се наоѓаат на првото место на табелата. Пречка за триумф, не беше ниту Битолски Пелистер, против кој забележаа победа со резултат 4:0. Елвир Рамиќ, Јакуп Бериша, Марко Ѓоргиевски и Марио Спасиќ погодија за нови три бода. Оваа генерација има успешен старт на новата сезона.

- Кадетите ја продолжија серијата на победи на Вардаровите категории и на гостувањата во Битола. Еден гол го реши дербито на овој меч, кој заврши во мрежата на противникот. Никола Серафимов го постигна својот првенец оваа сезона во црвено-црниот дрес и го реши дербито. Исто како пионерите и кадетите имаат максимални 9 бодови на стартот од сезоната.

-Младинците ја затворија победничката серија во дуелите со вечниот ривал. Рутинирано стигнаа до триумфот, со резултат 0:2, иако имаа и уште неколку шанси за постигнување гол. Ердон Даци и Кристијан Апостоловски успешно стрелаа за Вардар на овој меч. Младинците имаат за сега 7 освоени бодови.