Четири убедливи победи за генерациите на Фк Вардар, во дуелите со Победа

Викендов се одигра второто коло во првенството на младинските фудбалски категории. Црвено-црните за противник ја имаа екипата на Победа од Прилеп. На сите четири дуели забележаа убедливи победи.

-Помладите пионери се вистински хит во својата дебитантска сезона во домашните натпреварувња. Оваа генерација одлично ја започна сезоната и има освоено 4 бода. Најпрво ремизираа со градскио ривал Работнички (1:1). Во неделата беа убедливи во Прилеп, со резултат 0:5. За Вардар стрелаа Мартин Спировски(2), Ибрахим Ариф, Марио Илиевски и Самир Хасиќ.

-Одличен почеток на новата сезона и за пионерите, кои имаа максимални 6 бодови по првите две кола. Без никаква шанса за изненадување не му дадоа на противникот од Прилеп. Рутинирано со 0:4 ја прегазија Победа на свој терен. Хет трик постигна Јакуп Бериша , еден гол дело на Александар Ѓоргиески.

-Кадетите ја продолжија одличната игра и во второто коло. После победата против Работнички на гостински терен, нови три бода се освоени во дуелот со Победа. Конечниот резултат беше 3.1. Тројца различни играчи погодија за Вардар: Јакуп Бериша, Дамјан Петревски и Дејан Маркоски.

-Младинците го забележаа првиот триумф во новата сезона и имаат 4 освоени бода по првите два одиграни натпревари. Ердон Даци, Виктор Димков и Јасир Беќири ја донесоа победата од 3:0 за Вардар на овој дуел.