Македонската фудбалска репрезентација до 19 години на 12 и 14.февруари ќе одигра контролни натпревари со соодветната селекција на БИХ.
Мечевите ќе се одиграат на тренинг центарот „Петар Милошевски“ и ќе претставуваат подготовка за Елитната фаза од квалификациите за ЕП 2020 кои се играат во месец март. За овие дуели селекторот на Македонија, Горан Станиќ повика и четворица играчи од редовите на Вардар. Само тројца од нив ќе можат да се стават на располагање, се работи за Кристијан Китановски, Виктор Крстевски и Леонид Игнатов. Од составот ќе отпадне Дамјан Трајановски кој заработи тешка повреда на контролниот натпревар против ОФК Београд настапувајќи за младинците на ФК Вардар.
Првиот натпревар меѓу Македонија и БиХ се игра на 12 февруари од 13:00 часот, додека вториот е на 14 февруари од 11:00 часот.