Денес на главниот терен во населбата Ѓорче се одигра ревијален турнир во фудбалската “Јуниор лига“ . Настапија екипите на Вардар, Еуроспорт ( Куманово), Еврофудбал (Охрид) и Форца. Се одиграа вкупно четири натпревари помеѓу споменативе екипи.
Фк Вардар генерација “2001“ одигра два натпревари и забележа една победа и еден пораз. Најпрво избраниците на Сашо Јанев се сретнаа со екипата на Еврофудбал од Охрид и загубија со минимален резултат од 0:1. Инаку се играше две полувремиња по 25 минути. Во вториот меч од денешната програма своите сили ги одмерија тимовите на Форца и Еуроспорт. Овој дуел заврши со победа на екипата од Куманово со резултат 2:0.
Вардарци вториот дуел го одиграа со екипата на Еуроспорт. За разлика од претходниот меч, црвено-црните не дозволија ново изненадување и оставрија победа. Конечниот резултат гласеше 2:0. Стрелци на головите беа Ибрахим Ариф и Стефан Симоновски. Одлична игра за нашите момци, кои во најголем дел од мечот го имаа поседот на топка и на крај сосема заслужено победија. Во последниот натпревар на програмата за денешниот ден, беше дуелот помеѓу Форца и Еврофудбал од Охрид. Мечот заврши со триумф на Форца, со минимални 1:0.
Утре на истиов терен ќе се одиграат натпревари во генерација родени “2003“ и “2005“ година.