Андов и Митревски стартери во поразот на Македонија од Србија

Во текот на вчерашниот ден на стадионот „Радник“ во Сурдулица беше одигран првиот пријателски натпревар на фудбалските репрезентации до 18 години на Србија и Македонија. Првиот дуел го добија србите кои триумфираа со резултат 2:0 (1:0).

Стартери на овој меч за Македонија беа и двајца играчи од Вардар. Се работи за голманот Матеј Андов и играчот од средината, Божидар Митревски кој инаку е капитен на оваа селекција. Во 70 минута во игра влезе и Бојан Димоски.

Вториот контролен натпревар на овие две селекции е закажан за во сабота, во градот Ниш.