Вардаровата генерација “2004“ продолжува со убедливите победи во рамките на детската лига. Денес двете екипи на Ане Андовски беа сигурни на своите мечеви и освоија нови бодови во детската лига.
ФК Вардар (2) за противник ја имаше екипата на Кул Здравје 2 која ја совлада убедливо со резултат 15:1. Голеадата на овој натпревар ја отвори Давид Љушев за водство од 1:0. Се што успеа да стори противникот на овој натпревар е да го израмни резултатот на 1:1, што беше и нивни единствен гол на натпреварот. Набргу потоа ја вративме предноста на 2:1, откако Кул Здравје направи три корни што беше знак за судијата да покаже на белата точка. Сигурен реализатор кој друг ако не Георг Стојановски за водство од 2:1. Од истово место погоди и Исмет Хајдари за предност од 4:1. До крајот на првиот дел уште два погодоци за Вардарци, дело на Горазд Попов (5:1) и Марио Ричков за 6:1.
Второто полувреме со гол го отвори Георг Стојановски кој успешно стрела за предност од 7:1 од пенал. Доминацијата на Вардар продолжи и во овој дел од натпреварот, а прв гол постигна и Марио Сурлов за водство од 8:1. Мора да се напомене дека денес одличен меч одигра и Марио Ричков кој постигна убави голови. Токму со неговиот погодок со силен удар од далечина поведуваме со 9:1. Георг стигнува до хет-трик за предност од 10:1. Голеадата ја продолжува Марио Ричков за веќе двоцифрена предност од 11:1. Следните минути му припѓаат на одличниот Горазд Попов кој со три голови во серија му носи убедливо водство на Вардар од 14:1. До крајот на нтпреварот уште на два пати ја тресевме мрежата на противникот, со головите на Марио Ричков за конечни 16:1.
Победа и за Вардар (1) кој за противник го имаше тимот на Фортуна. На овој натпревар победивме со резултат 9:2. Одлична партија за новото засилување Гуџуфи кој дојде од екипата на Албарса. Токму со неговиот гол ја отвараме серијата и поведуваме со 1:0. Истиов играч со одлична акција и удар зголемува на 2:0. Вардар беше постојано во офанзива и создаваше шанси за зголемување на резултатот. Прва прилика имаше и Фортуна, но одлично брани Васко Василев. Се обиде набрзина Софијаноски да постигне гол, но без реализација. Сепак Матео Софијаноски со својот прв гол на натпреварот носи водство од 3:0. Успева Фортуна до крајот на првиот дел да намали на 3:1, со гол од пенал откако Вардар направи три корни.
На стартот на вториот дел хет-трик за Гуџуфи кој зголемува на 4:1. Уште еднаш екипата на Фортуна постигна гол и намали на 4:2. До крајот на натпреварот постигнавме пет голови за убедлива победа. Прво со голот на Матео Софијаноски зголемуваме на 5:2, додека следните погодоци се дело на Гуџуфи и Каровски и тоа по два гола зад нивното име. Тоа беше вкупно петти гол за новото засилување Гуџуфи за конечен резултат од 9:2.
Нови одлични игри за нашите млади надежи, кои остануваат со максималн број на освоени бодови во детската лига.