Мартин Филипоски: Среќен сум што успеав да придонесам за освојување на титулата со постигнатиот решавачки гол

Дури по изведувањето на ударите од белата точка, помладите пионери успеаа да го освојат купот на Македонија. Откако во регуларниот дел , мечот заврши без голови, се пристапи кон изведувањето на пенали. Тука подобро се снајдоа Вардаровите момци, кои дури после 3 серии успеаа да ја совладаат екипата на Шкендија. Еден од јунаците кој последен шутираше и донесе трофеј за својата генерација е токму Филипоски.

•  По долгиот пенал рулет успеавме да го освоивме купот на Македонија и да станеме прваци. После напорната игра во текот на натпреварот очекувавме ваков резултат. Никогаш не го потценуваме противникот, па затоа долго се спремавме за оваа утакмица. Многу ми е мило што на крајот успеавме да докажеме дека сме подобри и станавме прваци на Македонија и многу сум срекен што успеав да придонесам за освојување на титулата со постигнатиот решавачки гол, изјави Мартин Филипоски за нашиот сајт.

Звонко Ивановски