Vardar Fans
Генерацијата 2005 на ФК Вардар успеа да се пласира во големото финале на силниот меѓународен турнир „Црно Море Куп“ кој се игра во Несебар. Момците на Зоран Петковски победија и на четвртиот меч во групата и на тој начин обезбедија пласман во финалето на турнирот.
Денес нашите млади надежи ја победија екипата на Дусхс од Украина, со резултат 3:0. Три различни играчи се запишаа во листата на стрелци на овој меч. Тоа беа Филип Јовановски, Никола Уневски и Кристијан Таневски.
На претходните три меча, ги совладавме екипите на Нефтохимик (1:0), Бургас Спорт (6:1) и Јунорул (4:0). Во среда се игра големото финале, а противник најверојатно ќе ни биде екипата на Спортул од Молдавија.
