Генерацијата на ФК Вардар родени “2005“ го освоија турнирот “Илија Пантелиќ“ кој вчера и денес се играше во Нови Сад. Избраниците на Ане Андовски остварија пет победи од шест натпревари, на кои имаа и еден нерешен резултат во групната фаза.
Утрово се играа елиминациските натпревари, а во четврфиналето Вардар се сретна со екипата на ГДМ 021, која ја совлада убедливо со резултат од 3:0 и на тој начин се пласиравме во полуфиналето. Последната пречка кон големото финале ни беше екипата на Бамби о. Тука се играше цврст натпревар и само еден гол го реши победникот, а него го постигнаа црвено-црните, за минимален триумф од 1:0.
Во големото финале, избраниците на Андовски за противник го имаа тимот на Раднички Шид. Тука бевме доминантни и остваривме исто така голема победа, за “печат“ на добриот настап на овој турнир. Раднички не беше ни достоен противник за нашите млади надежи кои победија со резултат од 4:0.
Одлично издание за оваа надежна генерација на Вардар, која на сите натпревари ги надигра своите противници. Честитки за играчите и тренерот Ане Андовски.