Вчера на теренот на Академијата, пријателски натпревари со екипата на Форца одигра генерацијата на ФК Вардар родени 2009 година. Избраниците на Зоран Петковски одиграа два меча и забележаа по една победа и пораз.
Вардар (2) успеа да излезе како победник на натпреварот против екипата на Форца (2) која ја совлада со резултат 4:1. По првото полувреме, вардарци имаа предност од 2:1. Резултатот на овој дуел го отвори Сулејман Качман кој успеа да погоди со глава, после нафрлена топка од корнер, за предност од 1:0.
Уште поубав гол постигна Максим Павловски и тоа директно од корнер, кој успеа да го совлада противничкиот голман и да зголеми на 2:0. До крајот на првото полувреме, екипата на Форца постигна гол и намали на 2:1. Во вториот дел, Вардар успеа да постигне два гола и ја зачува својата мрежа незатресена. Со својот втор гол на дуелот, Максим Павловски зголеми на 3:1, додека конечните 4:1 беа дело на Димитар Ацевски.
На вториот контролен натпревар се сретнаа екипите на Вардар (1) и Форца (1). Имавме можност да гледаме одличен меч, со многу голови, но и шанси на двете страни. Сепак на крајот поуспешен беше противникот, кој славеше со резултат 2:4, но Вардар загуби по свои грешки од одбраната.
Форца беше тимот кој постигна прв гол и поведе со 0:1, за избраниците на Петковски да вратат со маестрален гол на Јаков Стојковски кој успева да ја затресе противничката мрежа со удар директно од корнер, за израмнување на 1:1. На полувреме ниту една од екипите немаа предност, односно резултататот беше 1:1.
Во вториот дел добра прилика имаше Марко Петровски, кој не успева да ја реализира, додека Форца погоди пречка. После грешка на нашата одбрана, примивме гол, за ново водство на Форца од 1:2. Со лоб удар, Даниел Колевски успеа да го матира противничкиот чувар на мрежата и да израмни повторно, овој пат на 2:2. Сепак до крајот на мечот, Форца постигна два нови голови и триумфираше со резултат 2:4.