Vardar Fans
Вчера со официјално соопштение до јавноста реагираше секторот за односи со јавноста на фудбалскиот клуб Вардар по повод тендециозните натписи во некој македонски медиуми за сопственикот на трите клуба г-н Самсоненко, двата ракометни и едниот фудбалски клуб Вардар. Во соопштението кое ви го пренесуваме во целост се вели:
http://novatv.mk/ne-gledavme-vardar-dinamo-oti-samsoneko-bil-preskap/
Почитувани подржувачи на македонскиот спорт, драги симпатизери во изминатиот период управата на ФК Вардар заедно со сопственикот Сергеи Самсоненко беше мета на инволвирање во почитички манипулации од страна на веб порталот НОВА ТВ.
Денешниот текст е трет по ред конструиран медиумски електорнски запис кој редакцијата на ТВ НОВА има за цел да го инволвира Вардар во негативна конотација, и да го наруши имиџот на сопственикот Сергеи Самсоненко.
Првиот медиумски напад беше за изградба на С.Ц. Јане Сандански, кој денес е еден од најелитните комплекси во Европа за ракомет, вториот беше за изградба на фудбалската академија на Вардар за дечиња до 14 години во градскиот парк и третиот е горенаведениот линк.
Денешниот линк на ТВ НОВА, Вардар го демантира во целост и секторот за осноси со јавност има за цел да ја објасни реалната состојба на настаните.
Славење за поразот немаше и никогаш нема да се слави за натпревар каде Вардар не е победник.
Целата македонска јавност присутна на стадионот која го следеше натпреварот го виде квалитетот и потенцијалот на ФК Вардар.
Првото квалификациско коло не е завршено, Вардар има реванш натпревар во Загреб за кој веќе се подготвува преку тренажен процес и видео анализи на противникот.
Точно е дека Вардар на највисоко ниво ги пречекува гостите како во ракометот така и во фудбалот. Вечера помеѓу управата на Динамо Загреб и управата на ФК Вардар имаше ДЕН ПРЕД НАТПРЕВАРОТ, и таму беа присутни Претседателите, директорите и главните спонзори. Атмосферата беше еуфорична како и секоја каде Вардар достојно ја претставува гостопримливоста на Македоснкиот народ.
ФК Вардар остро демантира дека персонално г-дин Сергеи Самсоненко кршел 50 тањири или други предмети кои се прибор во угостителството.
За еуфоричната атмосфера коментираа и дел од хрватските медиуми каде немаат за цел да обвинат некого или да ги нарушат односите или да го нарушат имиџот на клубовите.
ФК Вардар апелира до редакцијата на веб порталот ТВ НОВА да престане да го нарушува имиџот на најголемиот спортски бренд во Македонија. Вардар чија управа и менаџмент се стремат за Европски успеси, а реализираа инфраструктура по светски стандарди со професионални младински организации.
Ние сме спортски клуб кој нема никаква врска со вашата политичка основа и неколку пати не ги коментиравме вашите текстови.
Вардар има потреба од реална критика кога постојат факти со цел да ги подобриме нашите организациски дејствија, но во услови на реални прогреси Ве молиме не не мешајте во Вашите политики каде ние не припаѓаме. Ние работиме спорт, не политика.
СЕКТОР ЗА ОДНОСИ СО ЈАВНОСТ НА ФК ВАРДАР
