Вардаровите фудбалери се уште се на пауза по завршувањето на есенскиот дел од првата лига, тие наскоро ќе ги почнат и поготовките за следната сезона во турскиот спортски центар Анталија. Нашите момци одиграа 18 кола во есенскиот дел и стрелаа дури 40 пати. Сега ќе направиме преглед во одредени статистички категории за овие изминати 18 кола во првата македонска фудбалска лига.
Најдобар стрелец : Листата на стрелците ја предводи Дејан Блажевски со 8 погодоци на 17 меча, втор е Филип Ивановски, кој има 7 гола (18меча). Трет е мексиканскиот интернационалец Цезар Ромеро со 4 гола на 8 средби. Со по три гола се : Бразилецот Хуан Фелипе, Ацо Стојков, како и ерменскиот тандем Ховханес Хамбарџумјан и Артак Дашјан.
Најголема минутажа : Број еден по најголема доверба од тренерот Гоце Седлоски со дури 1611 минути на теренот е црногорскиот интернационалец Немања Мијушковиќ. Второпласиран во оваа статистичка категорија е голманот Пачовски со 1530 минути, тој одигра 17 натпревари сепак на последниот меч на негово место настапи вториот вардаров голман Филип Гачевски. Третопласиран е играчот за врска на црвено-црните Никола Глигоров тој во есенскиот дел имаше 1522 минути минати во вардаровиот дрес на мечевите од ПМФЛ.
Најнедисциплиниран играч : Во ова непопуларна статистичка категорија предничи мексиканецот Цезар Ромеро, тој е единствениот играч со два црвени картони и тоа директни. Мексиканецот “поцрвене“ во 6-то коло со Турново и 8-то против Работнички. Кај жолтите картони апсулутен рекордер е Фелипе, кој дури во шест пати “пожолте“ оваа фудбалска есен. Пет опомени има Хамбарџумјан, а по три судиски опомени имаат Пачовски и Попов.
Ако ја погледнеме ова фудбалска есен за нашите црвено – црни играчи ќе заклучиме дека во просек сме постигнувале по 2,22 голови на еден меч, а сме добивале во просек по 1,7о жолти каротни по одигран меч.