(Фотогалерија) Висок триумф за ФК Вардар генер. 2006 на пријателски дуел со Пелистер

Повозрасните петлиња на ФК Вардар стигнаа до висок триумф на контролен натпревар против екипата на Пелистер. Избраниците на Милан Коцески победија со резултат 5:0.

Алтин Алији беше играчот кој ни донесе водство и го отвори резултатот на 1:0, додека вториот гол беше дело на Марко Николовски за 2:0. За одбележување во првиот дел е одбранетиот пенал на Максим Краљевски кој го прочита ударот на противничкиот играч и не дозволи да биде совладан. Доминиравме и во вториот дел кога постигнавме нови три гола во мрежата на битолчани. Во листата на стрелци се запиша и Давор Лефковски за предност од 3:0, додека за 4:0 од белата точка погоди Нуман Ајетовиќ. Можеби, најубавиот гол на овој дуел беше дело на Андреј Величковски кој од 30 метри го матираше голманот на Пелистер за конечни 5:0 на овој пријателски дуел кој се одигра на теренот со вештачка трева во населбата Хиподром.

Нашиот медиум беше присутен на натпреварот од кој ви носи фотогалерија.