Фудбалскиот клуб Вардар се уште има неизвесна иднина, како и неизвесен опстанок во најсилната македонска лига.Долго време клубот е со финансиски проблеми кои се продлабочуваат, а нема ништо поконкретно како ќе се решат проблемите. Навивачката група Комити помогна кога е најтешко, преку акцијата „Купи билет за спас на Вардар“ го ослободи клубот од одредени долгови, се поделија и плати за играчите и стручниот штаб, но на Вардар му е потребен стабилен сопственик кој ќе го врати клубот на високо ниво.
На својата официјална страна, Комити излегоа со текст во кој наведуваат дека Артим Шаќири се понудил да помогне преку извесна шпанска компанија, но нема никаква информација од страна на клубот и градот Скопје.